jueves, 29 de septiembre de 2011

DE SESSIONE DIE I MENSIS OCTOBRIS

ALIQUID NOVUM

Hac occassione perreximus lectionem locorum a Michaeli nostro propositositorum. Ceterum satis magna caterva hominum mansimus in cena, (8 homines, ni fallor) Accepimus hospites ex Concha, sciliter nostrum Salvatorem, et ex Germania vel Hispanum, alterum Michaelem philosophum. Ceterum ultimis sessionibus ad nos se adiunxit Ferdinandus, magister linguae Anglicae.

Porro commonefacio sodales qui volunt esse in parte Graecolatina ut tempori adsint sessioni ne serius incipiamus sessionem Latinam propter moram incipiendae partis Graecae.

Ceterum exoptamus imo ex pectore ut melius se habeat nostra optima Elena quae difficultatibus severissimis afficiebatur.

RES SOLITAE DE NOVO COETU

Die XVI mense Septembri nonnulli sodales proposuerunt ut SINGULIS SEPTIMANIS diebus Saturni coetus nostri fiant. (Diebus Veneris autem sessiones hora sexta et dimidia incipient)Quandoquidem conventus nostri saepissime fiant, fortassis non singulis sessionibus una in cena manebimus, quod autem raptim et ex tempore statuemus sodales praesentes. Attamen, si homines e longinquiis oris Matritum venturos esse scimus (sicut Rodericus, Xaverius, Sandra, Salvator, Maria Angelorum- optimi et amici ac Latinitatis cultores - aut alii) tum beneficium in hos amicos externos facere decere puto, scilicet colloquia latina in cenam producendo, ne taIntum itineris pro exigua mercede susciperent. Itaque Latinistas externos esse adventuros , si certior de his factus essem, nuntiabo. Proximus autem coetus fiet

SATURNI DIE I MENSE OCTOBRI HORA SEXTA

Exceptis his de cenis cetera quae infra sunt rata habeo.Hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis statione "Gregorio Marañon" abest. Situs assignatus illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam horum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote